الشبكة العربية لمعلومات حقوق الإنسان

قررت نيابة قصر النيل اخلاء سبيل المتهم بالتحرش فى المحضر رقم 6262 على ذمة القضية ، وذلك بضمان محل اقامته.

حيث قامت محامية المركز بالتوجه الى محل سراي النيابة العامة بصحبة المجنى عليها “س.أ ” صباح اليوم السبت الموافق 7 يونيو 2014 ،وذلك لسماع اقوالها فيما يخص البلاغ محل الواقعة والذى تقدمت به بالأمس ، لا انهما فوجئا بعرض المتهم على النيابة مساء الأمس ، وأن النيابة قررت اخلاء سبيله على ذمة القضية بدون اى ضمانات مالية .

وفيما يلى نص شهادة المجنى عليها عما حدث لها ، والتى قامت بنشرها بالأمس على موقع التواصل الاجتماعى “فيس بوك ” ، حيث كتبت تقول

“بداية احب اشكر كل الناس اللي بعتتلي تطمن عليا، او كتبولي يشجعوني. “

– اللي حصل اني كنت ماشية من التحرير لعبد المنعم رياض، واحد عاكسني سيبته ومشيت، وصلت الموقف لقيته بيقول لي الاتوبيس ده رايح فين، بعد ما قولتله معرفش، اكتشفت انه هو الاخ اياه.

– طلعت اتوبيس ومستنياه يطلع، لقيته طلع ورايا وبيسأل السواق الاتوبيس ده رايح فين، شوية ونزل وانا قولت، متحرش بس خليني انا ابعد احسن.

– السواق قال لي ان الاتوبيس ده مش هيعدي علي بيتي، نزلت لقيته لسه قاعد تحت وبيلف حوليا. روحت قعدت علي كرسي في الموقف لقيته قعد عالكرسي اللي جنب اللي جنبي وبيفرد ايده، قلت برضه ابعد انا، لقيته بيقرب مني وبيقول لي انا عندي شقه ومسمعتش الباقي بقي، قفلت التليفون ، وزعقت وفضحت الدنيا . طلع يجري ومن حظة ان كان فيه امنا شرطه في الموقف، بعتولي الراجل بتاع الكارته وقاللي الامين عايز يعرف لو ضايقك.

– روحت وقولت للامين وقاللي فيه محضر هيتعمل لو تحبي تروحي، ولو مش عايزة برضه هيتعمل محضر، قولتله انا رايحه معاكم.

– طول الطريق الراجل بيتحايل عليا وانا عندي بنت وولادي وابوس رجلك، وانا اعصابي كانت بايظة.

– ليه من الاول، اتبسطتت انت لما اتكلبشت وهيتعمل لك محضر وهتنام في الحجز، مبسوط وانت بتتزلل لي وولادك ومراتك هيعرفوا انك متحرش؟؟

– البوليس في قسم قصر النيل كان متعاون معايا، الامناء لما شافوني زعقت مسكوا الراجل وقالولي هيتعمل له محضر.

– بكره انا رايحه النيابه اكمل البلاغ، رقم المحضر بتاعي 6262 جنح قصر النيل .